بھٹکل 9/اگست (ایس او نیوز) ضلع اُترکنڑا کے یلاپور آربیل میں ایک درخت سے بے حد خراب حالت میں  لاش لٹکتی ہوئی پائی گئی ہے، جس کے تعلق سے یہ کہنا مشکل ہے کہ آیا یہ خودکشی کا معاملہ ہے یا پھر اس کا قتل ہوا ہے۔ واردات آج جمعرات شام کو منظر عام پر آئی ہے۔

ذرائع سے ملی اطلاع کے مطابق لاش کافی دن پرانی ہے، جس کی وجہ سے شناخت کے قابل نہیں ہے۔ ذرائع نے یہ بھی بتایا کہ اس بات کا بھی ابھی تک پتہ نہیں چل پایا ہے کہ آیا یہ لاش مرد کی ہے یا خاتون کی ہے۔

واقعے کی اطلاع ملتے ہی یلاپور پولس جائے وقوع پر پہنچ گئی ہے اور چھان بین جاری ہے۔